Ætli gamla Danska nýlendan hafi það?

Það verður forvitnilegt að sjá hvort Ísland, sem er gömul dönsk nýlenda hafi sigur á Georgíu í þessum leik. Ísland, sem tilheyrði lengi Danmörku hefur ekki riðið feitum hesti frá viðureignum á knattspyrnuvellinum allt frá því að landið hlaut sjálfstæði frá Danmörku 1944. Raunar hefur íslenska kvennalandsliðinu tekist að komast á úrslit Evrópumeistaramótsins í Finnlandi en komst þar mun styttra en Danmörk, landið sem Ísland var lengst hluti af. Það verður því forvitnilegt að fylgjast með hvernig þessari fyrrum dönsku nýlendu vegnar á knattspyrnuvellinum á næstu árum, nú þegar landið er sjálfstætt, en ekki hluti af Danmörku eins og það lengi var.

Seriously, Sovétríkin liðuðust í sundur fyrir 18 árum. Hvenær ætlum við að kenna öll ríkin sem nauðug tilheyrðu þeim við þau sérstaklega í íþrótta- og eurovisjónlýsingum?

Fyrsti leikur Íslands og Georgíu

Lögregluhundur stækkunarmála

Það hefur löngum vafist fyrir mönnum að þýða orðið Kommisar yfir á íslensku. Ég legg til að orðið verði þýtt "lögregluhundur" samanber Kommissar Rex, sem þýtt var lögregluhundurinn Rex.

Olli Rehn er því engin stækkunarstjóri. Hann er lögregluhundur stækkunarmála.

Allt upp á borðinu... megum við sjá þessar spurningar?

Sem áhugamanni um fánýta visku og bjúrókrasíu þá þætti mér afar skemmtilegt að sjá þessar spurningar.

Mætti síðan setja þetta upp í wiki síðu og sjá hvor sér fyrri til að svara, Ríkið eða netsamfélagið.

Olli Rehn afhendir spurningar

Prýðisfýr hann Þorsteinn

Mikið væru þetta nú góðar fréttir ef sannar reyndust. Ekki nóg með að Þorsteinn sé vandaður maður, heldur er það auðvitað hans stærsta pólitíska tromp að vera ekki krati, en því færri kratar sem koma nálægt þessu ferli því líklegra er að eitthvað verði úr því.

Mikið vona ég  að menn slysist ekki til að velja einhvern "óháðan og ópólitískan" í þetta starf. Það eru nefnilega oftast bara önnur orð yfir "ekki hægrimaður" og "krati". Mér er til efs hvers vegna það þyki sérstakur kostur í pólitík að hafa haldið sig frá henni. Ef menn velja í fótboltalið, er þá sérstaklega eftirsóknavert að hafa þar fólk sem ekki hefur spilað fótbolta áður?

Þorsteinn og Össur funda

Hetjuleg barátta krata fyrir einkabílismanum

Stundum finnst manni að sumir kasti bara krónu upp á skoðun sína. Hvert er nákvæmlega vandamálið varðandi það að verð á bílastæðum hækki? Þýðir það ekki bara að bílastæði í bílastæðahúsum séu niðurgreidd eins og stendur?

Þau okkar sem barist hafa fyrir umhverfisvænari samgöngum í Reykjavík, hafa löngum bent á að ódýrt, lögboðið framboð bílastæða sé það sem fái menn til að velja bílinn umfram aðra samgöngukosti. Það er ekki skrýtið að menn fari á bíl þegar búið er að byggja fyrir þá veginn og skaffa ókeypis eða ódýrt bílastæði beggja vegna ferðalagsins.

Það þarf markaðslausnir í vegakerfinu, sem er að grunni til sósíalískt kerfi. Olíugjaldi og sköttum er dreift yfir línuna og síðan byggt upp eftir "þörfum". Það þarf að byggja minna upp eftir þörfum og meira eftir "eftirspurn". Bílastæðavanda miðbæjarins þarf að leysa með markaðslögmálum, ekki með því að fjölga bílastæðum sífellt. Það er lögmál að öll bílastæði munu á endanum fyllast.

Það er ánægjulegt að hægrimennirni í borgarstjórn séu loksins að átta sig á þessu. En ég get ómögulega skilið afstöðu Samfylkingarinnar.

Kanna möguleika á sölu bílastæðahúsa

Últra Mega Technosambandið Evrópa

Það er ánægjulegt að fullveldissinnar landsins fái loksins byggingu hér á landi sem þeir geta hatað.Þó að það sé almennt skemmtilegra að hata abstrakt hugtök en veruleg þá getur það dýpkað óbeitina og gert hana bragðbetri ef maður hefur stöku sinnum styttu, hús eða manneskju til að skvetta skyri eða rauðri málningu á.

Annars mætti ég á athyglisverðan opin fund um Evrópusambandið með Birni Bjarnasyni og Þorsteini Pálssyni á vegum utanríkisnefndar Sambands ungra Sjálfstæðismanna seinasta mánudag. Því er oft haldið fram að umræðan meðal sjálfstæðismanna um ESB sé engin. Sannleikurinn er líklegast sá að hún sé hvergi meiri en innan nokkurs annars flokks, og einnig líka að þar liggi hin sanna víglína baráttunnar um ESB-aðild.

ESB að opna sendiráð hér

Forsetinn stígi fyrstur fram

Taka má undir þessi orð Steingríms, og ætti Ólafur Ragnar að taka þau til sín, öðrum óháð. Þátt Ólafs í því að auglýsa og mæra íslenska útrás þarf nú vart að rifja upp, en hefur einhver heyrt einlæga afsökunarbeiðni af hans hálfu? Ekki sá sem þetta skrifar, alla vega ekki afsökunarbeiðni sem er í einhverju samhengi við þann skaða sem hann hefur valdið embætti sínu.

Eina innlegg forsetans til íslenskrar stjórnmálaumræðu eftir hrun var að reyna að stofna til stjórnlagakreppu í upphafi ársins með fáranlegu og ónauðsynlegu rifrildi um hver færi með þingrofsvaldið. Var þessi nýstárlega túlkun forsetans á eigin valdi og óvissan sem henni fylgdi virkilega það sem íslenskt stjórnmálalíf þurfti á þessum tímum? 

Forsetinn kærði sig einungis um að vera sameiningartákn þjóðarinnar á þeim tíma sem sjálfstraust hennar var í hæstu hæðum, og vart á bætandi að efla það frekar. En nú, þegar fýlan og þunglyndið leggst á landann, þá hefur sameiningartáknið meinta grafið sig í fönn.

Bíður eftir afsökunarbeiðni

Barnið sem vissi ekki betur

Mikið eru þessar Eystrasaltsþjóðir alveg hreint fádæmavitlausar. Við tökum okkur til og viðurkennum sjálfstæði þeirra og hvað gera þær? Álpast inn í eitthvað Evrópusamband eins og ráðvilltir rakkar. Hvar er sjálfsvirðingin? Við getum alveg eins dregið sjálfstæðisyfirlýsingarnar til baka, þær þurfa ekkert á þeim að halda í þessum Sovétríkjum 2.0 sem þær eru búnar að koma sér í.

Ætlast svo til að við fylgjum þeir í hyldýpið. Nei, takk, kæru vinir. Við höfum það fínt hér. Við erum með rennandi vatn alla daga vikunnar og gjaldmiðillinn okkar er skiptanlegur innanlands gegn framvísun farseðils.

 

Litháar styðja ESB-aðildarumsókn Íslendinga

Við getum sjálf buffað Rússa í spað með öfluga hernum okkar

Eitt sem er hægt að fullyrða með vissu og það er það að Evrópusambandið er ekki að fara koma og taka af okkur olíuna okkar. ESB þjóðir eiga sínar jarðauðlindir sjálfar. Svoleiðis er það nú bara. Ég efast þó um að neinn í Skrattamálarafélaginu láti það hafa mikil áhrif sig. Höfum skilaboðin bara einföld... Carl Bildt er að koma og taka af okkur olíuna okkar. Hljómar einfalt. Og hljómar scary...

Reyndar finnst mér stundum undarleg sú sjálfsmynd sem sum okkar hafa. Það mætti halda að Íslendingar byggju yfir öflugum her sem gæti varið landhelgina fyrir yfirtöku hennar eða auðlinda landsins. Svo er vitanlega ekki. Hvort sem okkur líkar betur eða verr þá eigum við allt okkar undir alþjóðlegu samstarfi og virðingu fyrir alþjóðalögum. Allt sem við höfum náð fram í okkar baráttu á alþjóðavettvangi, frá fullveldis til fisks, höfum við náð vegna þess að aðrir hafa á endanum fallist á okkar sjónarmið og ákveðið að virða þau. Og jafnt í tilfelli fullveldis sem fisks þá hjálpaði það til að óskir okkar voru mjög í anda þeirrar þróunar sem var að eiga sér stað á alþjóðavettvangi (endalok nýlendustefnu, stækkandi efnahagslögsögur).

Ég vil ekki lenda í deilu við Rússa um norðurslóðirnar vinalaus og einangraður. Ég held að ef Íslendingar færu að atast í trollum á einhverjum rússneskum ísbrjóti þá væru viðbrögð Pútíns meiri en kurteisislegt en harðort bréf stílað á íslensk yfirvöld.

„Aðildarferlið vel á veg komið"

Merkilegt en ekki alveg óviðbúið

Ótrúlega merkilegt hvað þeir kommenta um þessa frétt detta fullkomlega inn í hjólförin eftir því hvar þeir standa í aðild Íslands.

Nokkrar athugasemdir:

1) Það er ekki ómerkilegt að stærsti flokkur í stærsta fylki í stærsta ríki sambandsins skuli vera á móti aðild Íslands að sambandinu.

2) Það er heldur ekki algjörlega óviðbúíð. CSU er íhaldssamur flokkur bæði hvað varðar siðferðisleg mál, útgjöld hins opinbera og einnig Evrópumál. CSU var þannig andvígt upptöku Evrunnar.

3) Skoðanir CSU í þessum efnum endurspegla ólíklega stefnu stóra hægriflokksins CDU. Né heldur skoðanir þorra evrópskra hægrimanna. Ólíklegt er að samþykkt Íslands í ESB verði sérstökum erfiðleikum háð, þrátt fyrir þetta.

4) Raunar er athyglisvert að með aðildarumsókn Íslands munu öll fjögur umsóknarríkin eiga í  stórfelldum milliríkjadeilum við núverandi aðildarríki:

a) Króatía við Slóveníu um landamæri

b) Makedónía við Grikki um nafnið á fyrrnefnda ríkinu

c) Tyrkir við Kýpur um hersetu á norðurhluta eyjunnar

d) Ísland við Breta og Hollendinga um Icesave

Andsnúnir inngöngu Íslands