Greyið þungu trukkarnir

Ég hef aldrei haft sérstakan áhuga á mótmælaaðgerðum sem bitna á óskyldum aðilum sem hafa ekkert um málið að segja í þessu tilfelli öðrum vegfarendum. Helst væri málið að hækka þungaskattinn strax um eina krónu nú í dag og síðan um eina krónu fyrir hvern dag sem þessum aðgerðum er haldið áfram. Það gengur ekki að þeir einu fái sínu framgengt sem beiti aðra ofbeldi.

Mér þykir það ansi frekt að nota vegi, sem byggðir eru fyrir okkar sameiginlegu sjóði sem vettvang fyrir sérhagsmunabaráttu. 

En svo er auðvitað spurning um að vera ekki alltaf svo helvíti norrænn.

 Kannski að það sé bara fyndið að eitthvað stuð gerist loksins á þessu landi. 

 

Vegi lokað við Rauðavatn

Athugasemdir

[Árni Sigurður Pétursson, 28.3.2008 kl. 14:00]

hvernig er það sérhagsmunamál að eldsneyti lækki ?

[Haraldur Bjarnason, 28.3.2008 kl. 14:07]

Vörubílstjórar eru með þessu að berjast fyrir hagsmunum alls almennings og þeir eiga þakkir skildar.

[Þorsteinn Þormóðsson, 28.3.2008 kl. 14:19]

Hvað er að þessu liði, vælir og grenjar yfir hækkandi bensínverði, svo þegar eitthvað er gert þá er drullað yfir viðkomandi nánast! Hefur þú ásamt fleirum heyrt talað um mann að nafni Ragnar Reykás?? Hræsni og ekkert annað

[SP (IP-tala skráð) 28.3.2008 kl. 15:50]

Það hefur reyndar verið merkilegt að fylgjast með umfjöllun um þetta mál í útvarpinu í allan dag. Þar eru þáttastjórnendur og innhringjendur furðujákvæðir í garð aðgerðanna - enda hamrað á því að verið sé að berjast fyrir sameiginlegum hagsmunum ökumanna, bensínverðinu.

Þegar talað er við skipuleggjendur aðgerðanna kemur hins vegar í ljós að þeir eru einkum að mótmæla þungaskattinum, sérstaka bensíngjaldinu sem leggst oná atvinnustarfsemi - og því að hvíldartímareglur atvinnubílstjóra séu of strangar. Ekki beinlínis hagsmunamál hins almenna bílnotanda - hvað svo sem mönnum finnst um aðgerðirnar að öðru leyti.