Íhald af gamla taginu...

Einkabílasinnar og aðrir þéttingarandstæðingar hafa eignast glæsilegan talsmann í persónu Ólafs. Ekki nóg með að hann sé eini andstæðingur uppbyggingar í Vatnsmýri sem eftir er í borgarstjórn heldur leggst hann gegn öllum hugmyndum um hærri, nútímalegri og betri hús í 101. Gettu hvað, Ólafur, það er erfitt að byggja upp í miðbænum án þess að þurfa einhvern tímann að byggja hús sem er hærra eða flotta en eitthvað annað hús.

Síðan væri það auðvitað klisja hjá mér að gagnrýna að "meirihlutinn tali út og suður um þessi mál" og að þar sé "hver höndin upp á móti annarri", en Ólafur er nú ekki mikill team player með svona hegðun, og hann er ekki beint að gera samstarfsfólki sínu greiða.

Eigendur húsanna eru búnir að leggja á sig óheyrilega vinnu til að láta þessar glæsilegu tillögur sínar verða að veruleika. Vonandi að Menntamálaráðherra, Borgarstjórn og Húsafriðunarnefnd fari ekki að spila út einhverjum jókerum á seinustu stundu. Miðbærinn þarf uppbyggingu til að fólk búi og starfi þar og  leiti sér þjónustu þangað.

Eins og staðan er þá fara flestir einungis í miðbæinn á 17. júní eða drukknir.

Beitir sér innan borgarmeirihlutans