Ekki rétt hjá Helga Hjörvari að engin hafi haldið slíka atkvæðagreiðslu

Í Sviss var atkvæðagreiðsla um hvort sækja skuli um  aðild haldin í mars 2001 og mikill meirihluti Svisslendinga fellldi þá tillögunu. Enda var landið nýbuið að gera tvíhliða samning við ESB og almenn sátt við að bíða í nokkur ár áður en eitthvað annað yrði reynt. Stjórnvöld lögðust þannig gegn því að tillagan yrði samþykkt en hún var lögð fram vegna þess að tekist hafði safnað 100 þús undirskriftum fyrir henni.

Klækjabrögð eða nauðsyn?

Athugasemdir

[Ólafur Eiríksson, 13.7.2009 kl. 16:17]

Athyglisvert.

[Emil Örn Kristjánsson, 13.7.2009 kl. 16:30]

Ég hef alltaf verið hrifinn af þessu virka lýðræði í Sviss...

[Hjörtur J. Guðmundsson, 13.7.2009 kl. 16:35]

Vissulega athyglisvert.

Þess utan:

"Í Sviss var atkvæðagreiðsla um hvort sækja skuli um  aðild haldin í mars 2001 og mikill meirihluti Svisslendinga fellldi þá tillögunu. Enda var landið nýbuið að gera tvíhliða samning við ESB og almenn sátt við að bíða í nokkur ár áður en eitthvað annað yrði reynt."

Almenn sátt um um að bíða í nokkur ár áður en eitthvað annað yrði reynt? Síðan eru liðin 7 ár. Ertu viss um að fólk hafi bara ekki almennt verið sátt við tvíhliða fyrirkomulagið, punktur, en ekki litið aðeins á það sem eitthvert bráðabirgða fyrirkomulag eins og skilja má af orðum þínum?

Á fundi sem Evrópusamtökin héldu á Grand hótel 25. október 2006 viðurkenndi Christa Markwalder Bär, formaður samtaka svissneskra Evrópusambandssinna og þingmaður á svissneska sambandsþinginu, að reynsla Svisslendinga af tvíhliða samningum við Evrópusambandið hefði verið jákvæð og þeir nytu stuðnings öruggs meirihluta kjósenda í landinu.

Þetta er einkum athyglisvert í ljósi þess að Markwalder Bär er formaður svissnesku Evrópusamtakanna og má því gera fastlega ráð fyrir að henni sé ekki of annt um tvíhliða samingana, enda eru þeir sem slíkir fyrirstaða fyrir aðild Sviss að Evrópusambandinu. Það er því merkilegt að hún skuli sjá nokkuð jákvætt við þá, en ummæli hennar skýrast væntanlega af því hversu afgerandi stuðningur Svisslendinga er við samningana.

Ekkert bendir til þess enn þann dag í dag að Svisslendingar séu á þeim buxunum að ganga í Evrópusambandið.

[Pawel Bartoszek, 13.7.2009 kl. 18:45]

Ég held að það sé rétt mat hjá mér að á þessum tíma hafi ástæður fyrir hve stór ósigur já-sinna var, hafi verið þessar sem ég nefndi. Sjá t.d. frétt frá BBC frá þessum tíma. http://news.bbc.co.uk/2/hi/europe/1201133.stm

Þar sagði m.a.

"Switzerland's four-party coalition government had urged the 4.6 million electorate to oppose the plan, saying it was politically premature."

og

"Although the seven-member Cabinet has repeatedly stated it wants Switzerland to join the EU, it argued that public opinion would not permit that until at least 2010."

Það er ekki hægt að draga ályktun um niðurstöður atkvæðagreiðslu af því sem gerðist síðar. Og ríkisstjórnin sagði að ekki yrði sótt um fyrr en 2010. Það heldur.

Mér kæmi raunar ekki á óvart ef kosið yrði um aðildarumsókn aftur innan segjum tíu ára, enda hafa nokkrar þjóðaratkvæðagreiðslur um E-mál fallið jásinnum í hag að undanförnu (Schengen, Frjáls för frá Rúmeníu og Búlgaríu) með sæmilegum mun.

[gunniberg (IP-tala skráð) 15.7.2009 kl. 15:27]

góð grein Pawel en get ekki verið sammála um að líkja kosningum i Sviss við venjulega þjóðarkosningu heima því hér í Sviss er kosið um allt.  Allt frá því hvort að herinn megi fjárgesta í nýjum F-16 þotum, hvort búðir megi vera opnar á Sunnudögum og hvort læknar megi afhenda fíklum heroin. 

Ég er ekki sammála því að þetta beina lýðræði sé gott og margir hér í Sviss ekki heldur enda hefur kosningaþátttaka stórminkað  á síðustu árum og hagsmunapólítík einkennt kosningar í flestum ef ekki öllum héruðum. 

 Kv frá Lugano 

Gunni Berg

[Jón Gunnar Bjarkan, 16.7.2009 kl. 03:17]

Reyndar skilst mér að þetta sé misskilningur, því það hafi aldrei verið haldin þjóðaratkvæðagreiðsla um hvort að sækja eigi um. Mér skildist það á Baldri Þórhallssyni að haldinn hafi verið atkvæðagreiðsla um hvort ætti að ganga í EES og svo hafi verið haldinn atkvæðagreiðsla um hvort að Sviss ætti að draga umsókn sína til baka, það er að segja eftir að ríkisstjórnin hafi ákveðið að sækja um.

Er samt ekki viss um hvernig þetta var.

[Pawel Bartoszek, 16.7.2009 kl. 14:29]

Nei, Baldur Þórhallsson er að rugla. Hann var tala um þjóðaratkvæðagreiðsluna 1992 um EES-samninginn sem var felldur og í kjölfarið dróg stjórnin umsókn um ESB til baka.

En árið 2001 var haldin atkvæðagreiðsla um hvort leggja ætti til aðildarumsókn sem var fengin með undirskriftarsöfnun. Sú tillaga féll með miklum mun.