Birta full úrslit, takk!!!

Það er algjörlega nauðsynlegt út frá lýðræðislegu sjónarmiði að flokkarnir birti full úrslit prófkjöra, þ.e.a.s. hvað hver og einn fékk í hvert sæti. Af einhverjum ástæðum er mjög erfitt að nálgast slík gögn. Allar tölur eru marklausar án þess að slíkt sé gefið upp.

 Það er líka stórfurðulegt að flokkarnir virðast sjaldnast taka fram hvaða aðferð er notuð við að ákveða úrslit þegar öll atkvæði liggja fyrir. Í reglum VG fyrir forvalið er til dæmis tekið fram margt skemmtilegt en ekki hver sú aðferð er. Ég veit allavega um tíu ólík kosningakerfi fyrir númeruð prófkjör. Ekki sýna Sjálfstæðisflokknum svo mikla virðingu að halda að hans aðferð sé svo rótgróin að aðrar séu ekki til!! 

Katrín og Svandís efstar

Athugasemdir

[Kristján P. Gudmundsson, 8.3.2009 kl. 10:40]

Er hugsanlegt, að VG hafi eitthvað að fela fyrir augum hins almenna kjósanda ? Hefur þú, Pawel, hugsað út í framkvæmd "forvals" V-grænna í NA-kjördæmi, þar sem fyrst var stillt upp í þrjú efstu sætin og svo mátti hinn almenni félagi kjósa !

Maður má ekki kasta grjóti, ef maður býr í glerhúsi, eða hvað ?

Með góðri kveðju, KPG.

[Óli Gneisti (IP-tala skráð) 8.3.2009 kl. 11:13]

Alveg sammála með að birta full úrslit en ég veit ekki hvað Kristján er að tala um varðandi NA. Þar var kosið um öll sæti.